🔴Serokê DYA’yê Trump daxuyand ku “Artêşa DYA’yê li dijî Îranê operasyoneke leşkerî ya mezin da destpêkirin.” Trump wekî hinceta operasyonê gefên li ser berjewendiyên DYA’yê nîşan dan û diyar kir ku tê payîn hûrgulî di saetên pêş de zelal bibin.
Trump parast ku çalakiyên rêveberiya Tehranê ne tenê DYA’yê, di heman demê de leşkerên Amerîkayê yên li derveyî welat, baregehên leşkerî û welatên muttefîk jî dixe metirsiyê.
Trump, Îranê wekî berpirsê êrîşên li herêmê nîşan da û destnîşan kir ku destwerdana leşkerî bi armanca “parastina Amerîkayiyan” tê kirin.
Trump di daxuyaniya xwe de li dijî Îranê îfadeyên tund bikar anîn û diyar kir ku rêveberiya Îranê bi salan e gotinên li dijî DYA’yê ji xwe re kiriye bingeh. Trump got, “Rejîma Îranê bi dehan salan e dirûşma ‘mirin ji Amerîkayê re’ berz dike” û Tehran bi gurkirina tundiya li herêmê tawanbar kir.
Di daxuyaniya Trump de derbarê çarçove, dem an jî armancên operasyonê de agahiyên berfireh nehatin parvekirin. Tê payîn ku ji rêveberiya DYA’yê û ji çavkaniyên navneteweyî derbarê mijarê de daxuyaniyên nû werin dayîn.
