🔴 NAVENDA NÛÇEYAN – Şirketa teknolojiyê Anthropic, ku daxwaza Pentagonê red kir, modela xwe ya jîrbendiya çêkirî Claude li App Store’ê di navnîşa sereke ya serîlêdanên herî zêde hatine dakêşandin de li gelek welatan, bi taybetî li Amerîkayê, gihîşt cîhê yekemîn.
Şirketên jîrbendiya çêkirî yên pêşeng ên cîhanê, bi biryarên xwe û peymanên ku dikin, her dem di rojevê de dimînin.
OpenAI hefteya çûyî bi Pentagonê re peymanek kir ji bo entegrekirin a modelên jîrbendiya çêkirî di tora wezaretê de. Piştî vê peymanê, şirket bû navendê rexneyan.
Gelek bikarhêner, di nav de navên navdar jî, bi taybetî ji Amerîkayê û gelek welatên din, li hember peymana OpenAI derket û bang kirin ku modela şirketê ChatGPT were boykot kirin.
Ji ber ku Anthropic — hevrikê mezin ê din ê jîrbendiya çêkirî — peymana ku OpenAI qebûl kir red kir, bikarhênerên ku OpenAI boykot kirin dest bi koçkirina ber bi modela Claude ya Anthropic kirin.
CHATGPT JI LÛTKEYÊ XİST XAR
Claude, ku di 12’ê Sibatê de li Amerîkayê di navnîşa serîlêdanên herî zêde hatine dakêşandin (App Store) de di cîhê 7emîn de bû, bi bandora van pêşketinan zû di navnîşê de hilkişiya û gihîşt lûtkeyê. ChatGPT, ku ji mêj ve li lûtkeyê bû, piştî van pêşketinan paşde çû cîhê duyemîn li pey Claude.
Bertek li hember peymana bi Pentagonê re tenê bi Amerîkayê ve sînordar nemaye. Gelek bikarhênerên medyaya civakî ji welatên cihêreng jî bersivê dan rewşê.
Piştî berteka van, Claude li Almanya û Fransa jî bû serîlêdana herî zêde hatine dakêşandin. Bi heman awayî di navnîşên serîlêdanan de li Keyaniya Yekbûyî gihîşt cîhê 4’emîn, li Tirkiyê 7’emîn, û li Koreya Başûr jî 8’emîn.
Platforma ku xwest vê baldariyê veguherîne avantajekê, ragihand ku bikarhênerên ku ji platformên cihêreng ên wekî ChatGPT tên dikarin daneyên xwe jî bînin. Claude, ku rêbernameyek amade kir di derbarê çawa daneyên platformên din ber bi pergala xwe ve bêne veguhestin, di heman demê de şîretên “prompt (ferman)” jî da bikarhêneran ji bo bikaranîna daneyên kevn bi bandor. Ev taybetmendî li lêgerînên motorên gerînê jî xuya bû. Di 24 saetên dawî de li Amerîkayê lêgerînên Google yên bi şeklê “Claude bellek içe aktarma (Claude bîranîna têxistinê)” bi rêjeya 120 ji sedî zêde bûn.
Her çend platforma taybetmendiya veguheztina daneyan ji platformên din pêşkêş dike jî, bikarhêneran hişyar kir: “Taybetmendiya têxistina bîranînê ezmûnî ye û di qonaxa pêşkeftinê de ye. Di vê qonaxê de, Claude dibe ku her dem bi serfirazî bîranînên têxistî entegre nekin.”
