- 🔴Balyozxane û çavkaniyên herêmî radigihînin ku li paytexta Îranê, Tehranê, dengê teqînan hatine bihîstin û li Îsraîlê jî dengê sîrenan bilind dibe.
Wezareta Parastinê ya Îsraîlê bi daxuyaniyeke fermî ragihand ku wan li dijî Îranê operasyoneke “êrîşa pêşîgir” daye destpêkirin. Wezîrê Parastinê yê Îsraîlê, Yisrael Katz, piştrast kir ku artêşa wan ji bo parastina ewlehiya welat dest bi çalakiyan kiriye.
Li gorî nûçeya ajansa fermî ya Îranê IRNA’yê, li Tehranê dengê teqînên dijwar hatine bihîstin. Her çiqas medyaya Îranê teqînan piştrast bike jî, diyar kirin ku sedema van teqînan hê bi awayekî zelal nehatiye diyarkirin.
Li aliyê din, şahidên ku ji ajansa Reutersê re axivîne, diyar kirin ku li bajarê Qudsê (Jerusalem) dengê sîrenan tê bihîstin. Artêşa Îsraîlê têkildarî mijarê daxuyand ku sîren ji bo amadekirina gel a li hemberî êrîşeke hewayî ya gengaz hatine lêdan.
