Ji bo raya giştî û malbata Bozarslan…
Me bi xemgîniyeke mezin bihîst ku kedkarê zimanê Kurdî, nivîskar, lêkolîner û zanyarê hêja Mihemed Emîn Bozarslan li bajarê Uppsala yê Swêdê, li xerîbiyê koça dawî kiriye.
Mihemed Emîn Bozarslan ne tenê nivîskarek bû; ew di heman demê de seydayekî mezin û şopdarê ronahiyê bû. Wî bi pênûsa xwe, bi taybetî bi xebatên li ser Ehmedê Xanî, Mem û Zîn û elfebeya Kurdî, di dil û hişê her Kurdekî de cih girtiye. Şopên murekkeba pênûsa wî îro di her maleke Kurdî de dibiriqin û mîrateya wî ya zengîn wê bibe ronahî ji bo nifşên nû.
Weke Komeleya Lêkolînên Çand Dîrok û Wêjeya Devkî (SOZDER), em vê windahiya mezin a neteweyî wekî windahiya xwe dibînin. Em ji bo malbata wî, dost, heval û hemû gelê Kurd sersaxiyê dixwazin.
Cihê wî bihişt be, serê gelê me sax be.
Komeleya Lêkolînên Çand Dîrok û Wêjeya Devkî (SOZDER)
