Berdevkê NATO Farah Dakhlallah îro Sêşemê got ku Sekreterê Giştî Jens Stoltenberg wê ser daxwaza Kîevê sibê Çarşemê Konseya NATO û Ukrayna kom bike.
Dakhlallah dîyar kir ku civîn wê di asta balyozan de çêbin û li ber e ku Wezîrê Berevanî yê Ukrayna Rustem Umerov bi rêka vîdyokonferansê ser rewşa li qada şêr û pêdivîyên serekî yên kanînê agahîyan bide.’’
Konseya NATO û Ukrayna sala borî jibo kordînasyona nêz ya hevpeymanî û Kîevê hat ava kirin.
Di civînên Konseya NATO-Ukrayna de balyozên endamên hevpeymanîyê û karbidestên Kîevê kom dibin.
Dakhlallah bal kişand ku civîna sibê piştî wan êrîşên dawî ya Rûsya çêdibe ku dijî sîvîl û binesazîyan li dar ketibû.
Wî dîyar kir ku hevbendên NATO piştgirîyên girîng dane Ukrayna û ew bi biryar in ku berevanîya Kîevê hîn jî xurt bikin.
Karbidestên Ukrayna îro Sêşemê didin zanîn ku Rûsya bi êrîşên dawî yên muşekî û dronî herî kêm 5 kes kuştine.
/Jêder: voa-kurdi/
