🔴 Wezareta Derve ya Amerîkayê ragihand, di demeke nêzîk de mezintirîn konsulxaneya Amerîkayê li Herêma Kurdistanê dê were vekirin û got: ”Avahiya Konsulxaneya Amerîkayê ya li Hewlêrê meha bê yan jî di demeke nêzîk de tê vekirin.”
Berdevka Wezareta Derve ya Amerîkayê Tammy Bruce di civîneke çapemeniyê de ragihand:“Konsulxaneya nû ya Amerîkayê dê meha bê yan dawiya îsal li Hewlêrê vebe.’’
Berdevkê Wezareta Derve ya Amerîkayê got: “Vekirina konsulxaneyê nîşana pabendbûna Amerîkayê bi Herêma Kurdistana Iraqê ye û hevkarî û hevahengiya dîplomatîk a me bi Herêma Kurdistanê û hikûmeta Iraqê re, di nav de armanc û pirsgirêkên hevpar, rûbirûbûna terorê û pêşxistina aştiya mayînde xurtir dike.”
Berdevkê Wezareta Derve ya Amerîkayê di civîneke çapemeniyê de got:Li her du navçeyan hikûmetek bê avakirin û hêzeke yekgirtî hebe, baştir e; me hemûyan teşwîq kir ku bilez hikûmetekê ava bikin û li Herêma Kurdistana Iraqê demokrasiyeke bihêz û berxwedêr wek em hertim dibêjin pêwîst e û ragihand:“Washington wan teşwîq dike ku di zûtirîn dem de hikûmetê ava bikin.’’
Konsulxane dê li ser rûberek ji 50 donim erd bê çêkirin û dê bibe navendek ji bo beşdariya dîplomatîk, aborî û çandî li herêmê.Ew pabendbûna demdirêj a Waşîngtonê ji bo aramî û bextewariyê li herêmê nîşan dide û niha ji sedî 85 temam bûye.
/Jêder: PukMedia/
